Հին Հունաստան
Հունաստանը մի հին ու գեղեցիկ երկիր է Միջերկրական ծովի ափին:
Հունաստանի բնակչությունը կազմում է ավելի քան 11 միլիոն մարդ:
Մոտավորապես 16.5 միլիոն մարդ տարեկան այցելում է Հունաստան:
Աթենքը` Հունաստանի մայրաքաղաքը, Եվրոպայի ամենահնագույն քաղաքներից մեկն է: Այն նաև համարվում է ժողովրդավարության, փիլիսոփայության, Օլիմպիական խաղերի, քաղաքագիտության, արևելյան գրականության, պատմագրության, հիմնարար մաթեմատիկական սկզբունքների, ողբերգության և կատակերգության հայրենիքը:
Հունաստանի ամենբարձր լեռնաշղթան Օլիմպն է (2917 մ):
Օլիմպոս լեռը հատուկ նշանակություն է ունեցել Հին Հունական դիցաբանության մեջ: Համարվում էր, որ Օլիմպոսում էին ապրում աստվածները, որոնց գլխավորը Զևսն էր:
Հունաստանի ամենամեծ կղզին Կրետեն է` 3189 քառ. կմ:
Աշխարհում ավելի քան 12 միլիոն մարդ խոսում է հուներեն: Մոտավորապես 95 %-ը ապրում են հայրենիքում, 3 %-ը Կիպրոսում և Իտալիայում, մնացածը՝ Ալբանիայում, Թուրքիայում, ԱՄՆ-ում և այլ երկրներում: Հայաստնում նույնպես ապրում են հույներ, օրինակ, Ստեփանավանի տարածաշրջանում կա մի գյուղ, որտեղ հիմա էլ շատ հույներ են ապրում: Այն կոչվում է Յաղդան:
Հետաքրքիր փաստեր Հունաստանի մասին
- Հունական տները կառուցված էին արևի չորացրած ցեխի աղյուսներով, կենտրոնական բակերի շուրջը։
- Հիմնական ուտելիքներն էին հացը, ձիթապտուղը, թուզը և այլն։
- Ոչ բոլոր տներում կային լոգարաններ, սակայն կային խոր լողավազաններ և շոգեբաղնիքներ։ Կանայք և երեխաները լողանում էին բրոնզե լոգարանում, իսկ որոշ տներում կային թրծակավե լոգարաններ։ Ստրուկներն օգնում էին իրենց տերերին՝ լողանալու։
- Բոլորը հագնում էին քիտոն՝ ուղղանկյունաձև լայն զգեստ, որն ամրանում է ուսերի վրա։ Սիրված գույնը կարմրադեղին էր, ընդունված էին նաև ծիրանագույնը, կարմիրը և մանուշակագույնը։
«Իդիոտ» բառը հին հույների մոտ նշանակում էր «մարդ, ով չի հետաքրքրվում քաղաքականությամբ»: Հետագայում Աթենքում ժողովրդավարության զարգացման հետ զուգահեռ այդ բառը սկսեց կիրառվել այսօրվա ժամանակակից իմաստով:
«Դպրոց» բառը նույնպես հունական ծագում ունի: Այն ժամանակ դպրոց նշանակում էր «ազատ ժամանակ, հանգիստ»: «Դպրոց» էին անվանում ազատ ժամանակ տեղի ունեցող փիլիսոփայական զրույցները: Հետագայում բառը սկսեց նշանակել «կրթական պրոցես»:
Հին հունական արձաններն անգույն չեն եղել: Դրանք ներկվում էին տարբեր գույներով:
Հին հունական թատրոնում և՛ դերասանները, և՛ հանդիսատեսը տղամարդիկ էին: Եթե պետք էր բեմում աղջիկ պատկերել, ապա դերասանը դիմակ էր հագնում: Եթե աղջիկը պետք է գեղեցիկ լիներ, հագնում էին սպիտակ դիմակ, եթե տգեղ՝ դեղին:
Ձիթապտղի արտադրությամբ Հունաստանը աշխարհում զբաղեցնում է երրորդ տեղը: Հետաքրքիր է նաև այն, որ հույները դեռևս հնագույն ժամանակներից աճեցրել են ձիթապտղի ծառեր: Դրանցից մի քանիսը տնկվել են դեռևս 13-րդ դարում և մինչև այժմ էլ բերքատու են:
Ընդհանուր տարածքի 80%-ը զբաղեցնում են լեռները:
Յուրաքանչյուր լեզվի հազարավոր բառեր առաջացել են հուներենից: Հունարեն բառերով հագեցած լեզուներից մեկը հենց անգլերենն է:
Հին Հունաստանում են առաջացել Օլիմպիական խաղերը, որոնց ժամանակ դադարում էին բոլոր պատերազմները: Հայ թագավորներից Վարազդատը եղել է հին օլիմպիական խաղերի չեմպիոն:
Նաև դիտեք տեսանյութը՝Այստեղ